كل سنه وانتى طيبه يا جنى

النهارده يوم معلش بقى هاخرج فيه عن المألوف ((اصل النهارده عيد ميلاد جنى (: زى النهارده من 3 سنيين حصل حدث فى حياتى جميل جدا برغم ما مر بيه من ألام إلا انه انتهى بحاجه جميله أوى هى جنى بجد أكبر نعمه انعم بها عليا ربنا بعد نعمة الالتزام والزوج الصالح .. جنى تمت ثلاث سنوات بالتمام والكمال وبجد جوايا مشاعر كتير أوى النهارده مش مصدقه انو 3 سنسين عدوا بالسرعه دى .وان جنى كل يوم بتكبر حوليه ((أحساس رائع يارب ما تحرم حد منه))وخصوصا اذا كانت زى جنى ...بجد انا بحبها أوى مش عشان انها بنتى بس عشان هى بنت جميله فعلا ...كفايه لما أعطس تقولى (يحمكم الله يا ماما)يعنى (يرحمكم الله يا ماما) ما قولكوش ببقى سعيده أد إيه لما اسمعها منها هى بالذات ....وكمان هى دايما بتشكرنى على أى حاجه أعملها ليها يعنى لو طلبت منى ميه وانا اللى جبتهلها على طول تقولى ( سكا يا ماما)يعنى ( شكرا يا ماما) بجد ببقى سعيده أوى إنها بتشكرنى ممكن ما تكنش فاهمه أوى معنى الكلمه بس إنها تتربى عليها ده شىء رائع ... وكمان يا سلام عليها لم تبوس ايدى وايد بابها ده بقى احساس تانى خالص. . من اسبوع كده هى كانت عيانه أوى ودرجة حرارتها وصلت 39 ده كمان بعد الخافض فكان قلبى بتقطع عليها وهى نايمه وانا حاطه الكمدات على رأسها فبقولها ماما بتحبك ياجنى لقيتها بتقولى وهى مش قادره تتكلم اصلا( احبك اماما)يعنى (بحبك يا ماما) سعتها قلبى كده كان خلاص هيمومت عشانها بس هى الحمد لله دلوقتى زى الفل... ..بصراحه رغم كل اللى فات ده ما يمنعش انى عندى قروود فى البيت ..(هى واختها )..وبتفقوا عليا كتير ...وخصوصا جنى مجننانى هى اصلا عباره عن قرد متحرك فى اليت ادخل المطبخ قاليها فوق راسى تجيب الكرسى بتعها وتقف جمبى وتقولى ( انتى بتعملى ايه يا ماما)) اقعد على الكمبيوتر برده قاليها فوق راسى ونفس السؤال يتكرر أى حاجه اعملها لازم تسألنى نفس السؤال لدرجة انى اصبح السؤال ده ينرفزنى جدا ...وفى الاخر شقوتها جميله برده وبحبها..

المهم جنى برده ليها قصه كمان معايا هى ممكن تفيدكوا هى انى لما تزوجت .جنى ما جتش كده على طول لالا لا لا دا انا استنتها 3 سنين وشهرين ..بس عارفين ان الدعاء كان ليه اثر كبير ان ربنا سبحانه وتعالى انعم عليا بجنى ...والله كل واحد فينا معاه سحر يقدر يعمل بيه اللى هو عايزه بس احنا اللى ما بنخدش بالنا منه وهو الدعاء الم يقول الله عز وجل ((أدعونى أستجب لكم )) جربتم مره ترفعوا ايديكم لربنا وتقولوا يا رب انا بجد محتاجلك ..انا عايزالشىء ده ...يا رب يسره ليه ...انا كنت دايما انا وزوجى ندعى ان لا يحرمنا نعمة الولد ولأنى بحب الاطفال جدا لم ايائس أبدا من رحمته والحمد لله ربنا رزقنى بجنى وسما كمان ومازلت ادعى ان يعنى على تربيتهم كما يحب ويرضى ...

فاللهم للك الحمد حمدا كثيرا طيبا مباركا فيه لك الحمد كما ينبغى لجلال وجهك وعظيم سلطانك


واترككم الان مع صور جنى -- معلش بقى ((القرد فى عين امه غزال(:


ودى احدث صوره لجنى عندها هنا سنتين و9شهور

دى جنى فى حديقة الحيوان كان عندها هنا سنتين ونصف

دى جنى وسما (لازم يرخموا على بعض)

وهنا برده فى حديقة الحيوان




هنا كانت عندها سنه ونصف




هنا كان عمرها سنه وشهرين

دى هنا كان عندها 8 شهور