اعتذار وخاطره

أعتذر لتقصيرى معكم هذا الاسبوع لأنه كان أسبوع حافل

جنى بنتى الحبيبه مرضت وتم حجزها فى المستشفى لمدة اربع ايام تحت الملاحظه ...والحمد لله هى بخير الأن ((وياااريت تدعولها كتير))..

طلع عندها انيميا الفول ((وهى بالتالى ممنوعه من اكل جميع انواع البقوليات ..))وطبعا بعض الانواع من الادويه .

رغم ان الابتلاء بيكون دائما صعب على القلب إلا إنه نعمه كبيره من الله عز وجل ..احيانا يحتاجها الإنسان ليشعر فيها بالقرب من الله تعالى..

فعلا الحمد لله فى السراء والضراء ..حسيت بيها اوى وانا فى المستشفى ...

الحمد لله حتى فى الضراء .
.
اليس هذا الدين دين عظيم .

اليس هذاالإله العظيم يستحق أن يٌعبد .وهوعز وجل يخفف عنك المصائب بأن يقربك منه ..

شعرت وقتها كيف يكون الإبتلاء رحمه من الله عز وجل .

اللهم لك الحمد حمدا كثيرا طيبا مباركا فيه
.
.لك الحمد حتى ترضى

ولك الحمد إذا رضيت ..

ولك الحمد بعد الرضى ..

لك الحمد فى السراء والضراء..


اعذرونى كمان الفتره اللى جايه لأن حان وقت الاجازه ..ومسافره على مصر النهارده ...والدنيا ملخبطه معايا من تجهيز للسفر وانا خطفت نفسى كده عشان اكتب البوست ده ..

المهم الفتره القادمه مش هكون موجوده هنا ..بس طبعا هحاول أتابعكم على قد ما اقدر ..

وبجد هفتقد اقلامكم كثيرا..

ولا تنسونا من صالح دعائكم

وداعا مؤقتا


دمتم فى طاعة الله ..ودمنا اخوانا فى الله..